20.11.2026 |
Arolygiaeth Gofal Cymru yn cyhoeddi canllawiau ar ddefnyddio Deallusrwydd Artiffisial mewn gofal cymdeithasol
Mae AGC wedi cyhoeddi canllawiau newydd i gefnogi darparwyr gofal cymdeithasol i ddefnyddio Deallusrwydd Artiffisial (DA) yn gyfrifol mewn lleoliadau gofal.
Mae’r canllawiau’n cydnabod bod gan DA y potensial i gefnogi gwaith gweinyddol, cyfathrebu a darparu gwasanaethau, ond maent yn tynnu sylw at bwysigrwydd sicrhau bod y defnydd ohono’n ddiogel, yn foesegol ac yn canolbwyntio ar yr unigolyn. Mae darparwyr yn parhau i fod yn gyfrifol am gynnal cyfrinachedd, diogelu data, arfer barn broffesiynol a sicrhau llesiant plant, pobl ifanc a theuluoedd wrth ddefnyddio offer DA.
Mae’r canllawiau’n annog sefydliadau i ystyried yn ofalus sut y defnyddir DA yn eu gwasanaethau, gan gynnwys y manteision posibl, y cyfyngiadau a’r risgiau. Maent hefyd yn pwysleisio’r angen am dryloywder, goruchwyliaeth briodol a sicrhau nad yw DA yn disodli gwneud penderfyniadau proffesiynol.
Wrth i offer DA ddod yn fwyfwy cyffredin yn y gweithle, mae’r canllawiau hyn yn darparu gwybodaeth ddefnyddiol i leoliadau gofal plant a gwaith chwarae sy’n ystyried sut y gellir defnyddio’r technolegau hyn i gefnogi eu gwaith, gan barhau i gyflawni eu cyfrifoldebau rheoleiddio a diogelu.
Gallwch ddarllen y canllawiau llawn ar y wefan: