Mae teuluoedd heddiw’n teimlo’r cynnydd mewn costau gofal plant fel rhan o’r argyfwng costau byw. Eto i gyd, er y gall y treuliau hyn fod yn faich sylweddol, mae’n hanfodol deall y manteision aruthrol y mae gofal plant o ansawdd yn eu rhoi. Y newyddion da yw bod cymorth ariannol ar gael i helpu i liniaru’r costau hyn.

PMae chwarae’n hanfodol i blant. Mae’n eu helpu i gymdeithasu, rheoli eu hymddygiad, archwilio eu galluoedd corfforol, a meithrin gwytnwch. Dywedodd Jane O’Toole, Prif Weithredwr Clybiau Plant Cymru Kids’ Clubs, “Mae cydbwyso byd gwaith a rhoi cyfleoedd chwarae amrywiol i blant yn anodd. Mae lleoliadau gofal plant yn darparu chwarae strwythuredig, difyr sy’n helpu plant i ffynnu ac yn creu atgofion parhaol.”

Mae Clybiau Gofal Plant All-Ysgol yn cynnig manteision aruthrol i blant a theuluoedd. Wedi’u harolygu gan Arolygiaeth Gofal Cymru, mae’r clybiau hyn yn sicrhau safonau uchel,  taff sydd wedi’u hyfforddi’n dda a chymarebau oedolyn-i-blant priodol. Ychwanegodd Jane O’Toole, “Rwy’n meddwl bod angen i rieni gydnabod bod gofal plant – a’r manteision a ddaw yn ei sgil i’w plant – yn bwysig. ‘Gall costau gofal plant fod yn rhan sylweddol o dreuliau teuluoedd ond mae’n rhan o ddatblygiad plant”.

I gael rhagor o wybodaeth am gymorth ariannol a manteision y clybiau hyn, ewch i’n gwefan neu cysylltwch â’ch Gwasanaeth Gwybodaeth i Deuluoedd lleol. Buddsoddwch yn nyfodol eich plentyn heddiw.

Nodiadau:

[1] Ers 2017, mae cyflogau cynyddol a chwyddiant wedi cynyddu costau gofal plant. Mae’r isafswm cyflog ar gyfer person dros 21 oed wedi codi o £7.50 yr awr i £11.44 yr awr, cynnydd o 52.53%. Dros yr un cyfnod, mae chwyddiant (CPI) wedi cynyddu 24.8%, sydd hefyd wedi gwthio costau eraill, fel  rhent, trydan, gwresogi a bwyd ar i fyny.

[2] Mae  CWLWM  yn cefnogi codi cyflogau yn y sector gofal plant i adlewyrchu’r cyfrifoldebau a’r arbenigedd sydd eu hangen. Mae buddsoddi mewn Gweithwyr Chwarae sy’n derbyn iawndal yn hanfodol ar gyfer cynnal gofal plant o ansawdd da.

[3] Mae cydbwyso byd gwaith a theulu yn heriol. Mae Llywodraeth Cymru yn cynnig rhaglenni amrywiol i gynorthwyo rhieni gyda chostau gofal plant. Gall rhaglenni fel Gofal Plant Di-dreth a Chredyd Cynhwysol dalu cyfran sylweddol o ffioedd. Yn ogystal, mae’r Cynnig Gofal Plant yng Nghymru yn darparu gofal wedi’i ariannu i blant 3-4 oed, gan helpu i reoli treuliau tra’n sicrhau gofal o ansawdd i’ch plant.

[4] Mae Llywodraeth Cymru wedi datgan: “Rydym am sicrhau bod y gweithluoedd gofal plant a chwarae yn meddu ar y cymwysterau, y sgiliau a’r profiad priodol i gynnig darpariaeth o ansawdd da ar draws y gwahanol fathau o leoliadau.”

Dylid cyfeirio ymholiadau’r cyfryngau at: Jane O’Toole, janeo@clybiauplantcymru.org

Clybiau Plant Cymru Kids’ Clubs

Bridge House | Tŷ’r Bont

Station Road | Ffordd yr Orsaf

Llanishen | Llanisien

Cardiff | Caerdydd

CF14 5UW

Ebost : info@clybiauplantcymru.org

Ffôn: 029 2074 1000