CYMell

Gwyddom fod rhieni’n ei chael hi’n anodd dod o hyd i ddarpariaeth gofal plant cyn ysgol, ar ôl ysgol a gofal yn ystod y gwyliau sydd wedi’i chofrestru gan Arolygiaeth Gofal Cymru, sydd ar gael trwy gyfrwng y Gymraeg. Gwyddom hefyd am fanteision cael mynediad i leoliadau cyfrwng-Cymraeg lle gall plant chwarae a chymdeithasu gan ddefnyddio’r Gymraeg – a phwysigrwydd hyn wrth gefnogi plant wrth iddynt symud drwy addysg cyfrwng Cymraeg.

Mae ein prosiect CYMell, sef i ‘ysgogi’, yn gobeithio:

• ysgogi lleoliadau Gofal Plant Allysgol cyfrwng-Cymraeg a dwyieithog nad ydynt wedi’u cofrestru gydag AGC, i wneud hynny, gan roi cyfle iddynt gefnogi’r Gymraeg, hefyd i gynnig gofal plant mwy fforddiadwy i gefnogi teuluoedd, drwy eu galluogi i ddychwelyd i fyd waith neu hyfforddiant, trwy alluogi lleoliadau i ddarparu Y Cynnig Gofal Plant a Gofal Plant Di-dreth.
• hyfforddi mewn Gwaith Chwarae unigolion sy’n siarad Cymraeg, gan ddileu’r rhwystr yma o ran cymwysterau sy’n atal clybiau rhag cofrestru gydag AGC.
• cefnogi lleoliadau drwy ein Swyddogion Datblygu Busnes Gofal Plant Cymraeg ymroddedig.
• darparu cronfa grant i gefnogi lleoliadau sy’n dangos ymrwymiad i gofrestru, gan ganiatáu iddynt dalu costau staff sy’n mynychu hyfforddiant, a’r oriau sy’n gysylltiedig â gweithio tuag at gyflwyno cais i gofrestru

Â’r sector Gofal Plant a Gwaith Chwarae yn y sefyllfa orau i gefnogi cynnydd yn y Gymraeg mewn plant y tu allan i’r ysgol, cefnogir gweledigaeth Llywodraeth Cymru o 1 miliwn o siaradwyr Cymraeg erbyn 2050.

Darllenwch fwy: CYMell

Yr Addewid Cymraeg

Fel rhan o’n hymrwymiad, i darged Llywodraeth Cymru o 1 miliwn o siaradwyr Cymraeg erbyn 2050. Mae’n bleser gennym gyflwyno’r Addewid Cymraeg i chi..

Mae CWLWM yn cydnabod pwysigrwydd datblygu’r iaith Gymraeg ac mae’n destun balchder iddynt fod yn cyfrannu at darged Llywodraeth Cymru o 1 miliwn o siaradwyr Cymraeg erbyn 2050.

Yn rhan o’n hymrwymiad, mae’n bleser mawr gennym eich cyflwyno i’r Addewid Cymraeg.

Mae’r Addewid Cymraeg yn ffordd i leoliadau Gofal Plant a Chwarae chi gynyddu eu  defnydd o’r Gymraeg ac arddangos sut y maent yn gweithio tuag at y Cynnig Gweithiol drwy rannu’r gwaith yn adrannau hydrin. Gall proses Y Cynnig Gweithiol chyflwyno’r iaith Gymraeg beri rhywfaint o fraw ond mae’r Addewid Cymraeg yn rhoi i leoliadau arweiniad gam wrth gam i weithio tuag at hyn, heb eu gorlethu. Mae’r Addewid yn cynnwys cynllun hawdd ei gyflawni a phwyntiau ar gytuno ar sut i weithio ynghyd ac ysbrydoli pawb a fydd ynglŷn â hyn i ddefnyddio’r iaith Gymraeg er lles y plant a’r cymunedau lle maent yn gweithio.

Wrth ymrwymo i’r Addewid bydd modd i’ch lleoliad ddatblygu eich defnydd o’r Gymraeg a chreu amgylchedd lle bydd yr iaith yn rhan naturiol o gynnig y lleoliad i’r plant.

P’un ai yw lleolidau’n dechrau o’r dechrau, neu eisoes yn defnyddio rhywfaint o Gymraeg, mae’r lefelau efydd, arian ac aur yn rhoi cyfle i leoliadau ddefnyddio’r Gymraeg mewn ffordd sydd yn addas i chi. Unwaith y byddant wedi cyflawni un lefel gallant symud at y nesaf a gwneud mwy, gyda digonedd o help gan bartneriaid Cwlwm.

Bydd partneriaid Cwlwm yn cefnogi lleolidau drwy bob tystysgrif/lefel o’r Addewid Cymraeg, drwy weithio mewn adrannau hydrin. Mae’r adnoddau sydd hefyd ar gael drwy bartneriaid Cwlwm yn rhoi cefnogaeth ymarferol, a chymorth ehangach drwy gyrsiau Camau Dysgu Cymraeg, a ddarperir ar-lein drwy’r Ganolfan Dysgu Cymraeg Genedlaethol, a fydd yn cefnogi ymhellach yr Addewid Cymraeg drwy gynyddu nifer y gweithwyr gofal plant a Gwaith Chwarae sy’n defnyddio rhywfaint o Gymraeg mewn lleoliadau, gan gefnogi’r clwb i  symud ymlaen i gyflenwi’r Cynnig Gweithiol.

Mae’r Addewid Cymraeg wedi ei gymeradwyo gan Swyddfa Comisiynydd y Gymraeg, a’i disgrifiodd fel “ffordd i leoliadau osod camau clir, uchelgeisiol a hwyliog yn eu lle er mwyn rhannu’r iaith Gymraeg â’r rhai sy’n eu mynychu, y staff a’r teulu ehangach”.

Fe wnaeth Kevin Barker Pennaeth Archwilio – Gofal Plant a Chwarae Arolygiaeth Gofal Cymru hefyd “groesawu’r datblygiad cadarnhaol hwn i gefnogi’r defnydd o’r iaith Gymraeg mewn lleoliadau gofal plant a gwaith chwarae”.

Camau

Mae cyrsiau Camau yn gyrsiau Hunan Astudio Ar-lein ar lefel Mynediad, sydd wedi’u teilwra ar gyfer ymarferwyr o fewn y sector Gofal Plant a Chwarae, gyda chwrs penodol ar gyfer Gweithwyr Chwarae sy’n defnyddio’r iaith a glywir mewn Clwb Gofal Plant Allysgol. Mae’n addas ar gyfer dechreuwyr a’r rhai sydd â sgiliau Cymraeg sylfaenol o ran hybu eu hyder ac fel cwrs gloywi. Mae’r cwrs yn cynnwys y canlynol ac wedi’i ariannu’n llawn:

• Dysgu Cymraeg i’w defnyddio gyda phlant mewn lleoliadau;
• Ynganu’r wyddor, lliwiau, dyddiau’r wythnos a rhifo;
• Dysgu gorchmynion a chyflwyno arddodiaid;
• Dysgu patrymau i ofyn ac ateb cwestiynau;
• Dysgu’r amser;
• Siarad amdanoch chi’ch hun;
• Siarad am gynlluniau ar gyfer y dyfodol;
• Dweud beth mae pobl wedi bod/yn ei wneud;
• Dysgu gorchmynion

Mae’r cwrs yn llawn gwybodaeth, yn hawdd ei ddilyn, ac mae Swyddogion Datblygu Iaith Gymraeg, Clybiau Plant Cymru Kids’ Clubs wrth law i gymell a chefnogi. Rhennir adnoddau PDF ar ddechrau a diwedd pob uned.

Camau Cymraeg Clybiau

Mae’r holl gymorth ymarferol sydd ei angen arnoch i gynyddu’r defnydd o’r Gymraeg yn eich lleoliad ar gael ar ein gwefan trwy Camau Cymraeg Clybiau. Mae ystod o adnoddau ar gael sy’n cynnwys geirfa allweddol a ddefnyddir wrth osod o ddydd i ddydd; pecyn Cymraeg achlysurol; a mwy o wybodaeth am y cymorth ehangach sydd ar gael gyda Clybiau Plant Cymru Kids’ Clubs.

Y nod yw gwreiddio arferion ac agweddau cadarnhaol tuag at yr iaith drwy gynllunio bwriadus o fewn lleoliadau i hybu defnydd anffurfiol ohoni ymhlith staff, plant, a’r gymuned ehangach, gan ddod â phawb ynghyd i weithredu.

Mae’r Gymraeg yn rhan allweddol o’n diwylliant a’n hunaniaeth. Rydym yn addo gwneud yr hyn a allwn i helpu’n frwd i warchod yr iaith Gymraeg a’i diwylliant ar gyfer cenedlaethau’r dyfodol.

Mae croeso i chi gysylltu os oes angen unrhyw gefnogaeth arnoch neu os oes gennych unrhyw gwestiynau pellach.