Mae’n bleser gennym eich gwahodd i ymuno â ni mewn digwyddiad amser cinio RHAD AC AM DDIM i gyflwyno Partneriaeth Cwlwm ac i ddathlu’r gwaith rydym yn ei wneud wrth i ni gychwyn ar dymor newydd yn y Senedd.  

Dydd Iau 17 Medi / 12:00–13:00 / Adeilad y Pierhead, Bae Caerdydd 

Mae hwn yn gyfle gwych i Aelodau’r Senedd, eu staff, ymarferwyr gofal plant, sefydliadau’r trydydd sector, staff awdurdodau lleol a gweision sifil Llywodraeth Cymru ddod at ei gilydd i ddysgu mwy am waith Partneriaeth Cwlwm a sut rydym yn cefnogi plant, teuluoedd a’r sector gofal plant a’r blynyddoedd cynnar ledled Cymru. 

 Bydd y digwyddiad yn cynnwys cyflwyniadau llawn gwybodaeth, stondinau arddangos a phanel o arbenigwyr, gan gynnig cipolwg cyfoethog ac amrywiol ar flaenoriaethau a llwyddiannau’r bartneriaeth. P’un a ydych yn awyddus i ddyfnhau eich dealltwriaeth o waith Cwlwm neu i archwilio cyfleoedd ar gyfer cydweithio, bydd digon i ymgysylltu ag ef. Bydd te, coffi a chinio ysgafn ar gael yn rhad ac am ddim, ynghyd â chyfle i rwydweithio a sgwrsio â chydweithwyr a phartneriaid o bob rhan o’r sector.

RSVP: Ffurflen gofrestru – Cyflwyniad i bartneriaeth Cwlwm – Fill out form