Mae gennym angerdd a rannwn. Er mor fychan a ymddangoswn, mae’r teimlad ein bod ‘i fod’ yn y sector Gofal Plant Allysgol wedi ei angori ynom.
Mae’n destun balchder i ni ein bod ni, Clybiau Plant Cymru Kids’ Clubs, bob tro un cam ar y blaen – bob tro’n barod, ac eisoes yno gyda’n cefnogaeth a’n harweiniad.
Mae ein Bwrdd Ymddiriedolwyr yn cgrŵp amrywiol o bobl sy’n cynrychioli’r gyfundrefn ar lefelau lleol, rhanbarthol, a chenedlaethol. Y Bwrdd Ymddiriedolwyr yw corff llywodraethol Clybiau Plant Cymru Kids’ Clubs.
Yn ogystal â mynychu cyfarfodydd rheolaidd mae’r Ymddiriedolwyr yn ymrwymo i ddatblygu eu sgiliau gan fynychu sesiynau a chynadleddau i gyfoethogi eu gwybodaeth ymhellach.
Y Bwrdd Ymddiriedolwyr sy’n gyfrifol am sicrhau llwybr strategol yr elusen gan sicrhau arweinyddiaeth a phenderfyniadau clir ar bob lefel,a chan fonitro perfformiad ariannol er mwyn diogleu gwerth am arian
Ymunwch â’n bwrdd ymddiriedolwyr heddiw.
Cysylltwch â ni i ymuno
Mae Areatha wedi bod yn gweithio yn y Sector Gwaith Chwarae ers 1997 ac ynglŷn â gofal plant ers 1987, yn gweithio a gwirfoddoli yn y DU, Rwmania a Pheriw.
Hoff leoedd – Rhosili, Tresco (Ynysoedd y Sili), Sighisoara (Rwmania) a Pheriw.
Agorodd Beryl Glwb All-ysgol ym Marffordd ger Wrecsam 30+ o flynyddoedd yn ôl, ac mae’n dal i ffynnu. Penderfynodd ymddeol yn Awst 2022, wedi 61 o flynyddoedd yn y maes Gofal Plant gan weithio mewn Lleoliadau Amrywiol. Pery Beryl yn Berson Cofrestredig y clwb ac yn Ymddiriedolwr.
Mae Debbie wedi gweithio mewn ysgol arbennig am 20 mlynedd, yn gyntaf fel cynorthwyydd dysgu a bellach fel cwnselydd i’r teuluoedd. Agorodd glwb ôl-ysgol 12 mlynedd yn ôl ac mae’n cynnal cynlluniau chwarae drwy’r flwyddyn i blant ag anghenion ychwanegol a meddygol mawr.
Mae Debbie’n angerddol ynghylch creu’r cyfleoedd a’r gefnogaeth orau y gall i blant a theuluoedd fel y gallant fwynhau bywyd.
Mae Jan wedi bod yn gweithio yn y maes gwaith chwarae er dros 22 o flynyddoedd ac yn credu bod Clybiau All-Ysgol, yn ogystal â darparu’r gefnogaeth angnrheidiol i rieni sy’n gweithio, yn darparu’r mannau chwarae cynhwysol gorau i bob plentyn, beth bynnag fo’u hanghenion a’u galluoedd.
