Mae’n bleser o’r mwyaf gennym rannu â chi rai cyfleoedd am ariannu. Peidiwch ag anghofio y gallwn eich cefnogi i gwblhau ceisiadau, felly cofiwch gysylltu os oes arnoch angen ein help!

Clybiau Plant Cymru Kids’ Clubs:  Grant Cofrestru ag Arolygiaeth Gofal Cymru (AGC) (£1000)  

Mae ariannu ar gyfer y cynllun grantiau uchod yn awr ar gael gan Clybiau Plant Cymru Kids’ Clubs drwy gyllid  Lywodraeth Cymru o Ebrill 2024 hyd at Fawrth  2025.

Bydd y grant yma’n cefnogi lleoliadau Cymraeg / dwyieithog gyda’r costau sy’n gysylltiedig â chyflwyno cais am gofrestru ag AGC ac ennill cofrestriad; bydd hefyd yn cefnogi ehangu darpariaeth bresennol cylchoedd  i gynnig gofal plant all-ysgol i blant hyd at 12 mlwydd oed.  

Gofynnwn ichi drafod eich cais â’ch Swyddog Datblygu Busnesau Gofal Plant os gwelwch yn dda, a rhaid iddo ef/hi hefyd lofnodi’ch cais.

Yn galw holl GLYBIAU PEN-Y-BONT!

Gallwn gadarnhau bod y ffurflenni cais ar-lein ar gyfer y Grant Datblygu Busnes a’r Grant Dichonoldeb Busnes yn fyw ar wefan CBSP ac yn agored i ymgeiswyr wneud cais. Amgaeir Ffurflen Atgyfeirio Cleient ar gyfer Ffyniant a Rennir Llywodraeth y DU. Byddem yn ddiolchgar pe gallech ei chwblhau a’i phostio yn ôl atom. Mae Cronfa Ffyniant Gyffredin Llywodraeth y DU yn rhan o’r cymorth Codi’r Gwastad Gweler y ddolen ganlynol os gwelwch yn dda:

https://www.bridgend.gov.uk/cy/busnes/cyllid-a-grantiau/grantiau-cefnogi-busnesau/

Dylai ymgeiswyr gyfeirio at y canllawiau cynllun grant penodol cyn gwneud cais:

Grant Datblygu Busnesau                                                                                                                                                                                  

Grant Hyfywedd Busnesau

Cyn i chi ddechrau’r broses ar-lein, sicrhewch eich bod yn bodloni’r meini prawf cymhwysedd gofynnol fel a ganlyn:

• Mae unig fasnachwyr, Partneriaethau, Cwmnïau Cyfyngedig, Cwmnïau Cydweithredol a Phartneriaethau Atebolrwydd Cyfyngedig, Menter Gymdeithasol Gofrestredig neu Elusen yn gymwys i wneud cais.
• Mae ganddo drosiant gweithredol dros y 3 blynedd diwethaf uwchlaw’r trothwy TAW (£90,000)
• Busnes sefydledig sydd wedi bod yn masnachu am fwy na 3 blynedd
• Cyfeiriad busnes Bwrdeistref Sirol Pen-y-bont ar Ogwr
• Mentrau Bychain a Chanolig (SMEs) (llai na 250 o weithwyr a throsiant blynyddol o dan €50 miliwn)

Os ydych yn ansicr a ydych yn gymwys, cysylltwch â businessfunds@bridgend.gov.uk a fydd yn gallu’ch cynghori.