20.11.2026 |
Her Rhannau Rhydd Gymunedol
Troi Gwrthrychau Bob Dydd yn Gyfleoedd Chwarae
Pa gyfleoedd chwarae anhygoel sy’n cuddio mewn cartrefi, garejys a blychau ailgylchu ledled eich cymuned?
Yr wythnos hon, heriwch blant a theuluoedd i ddod yn Archwilwyr Rhannau Rhydd a helpu i ehangu casgliad eich clwb o adnoddau chwarae penagored.
Gwahoddwch y plant i greu Rhestr Ddymuniadau Rhannau Rhydd o eitemau y byddent wrth eu bodd yn eu cael yn y clwb.
Efallai y byddant yn awgrymu:
- Defnydd a llenni
- Blychau cardbord
- Tiwbiau plastig
- Potiau, sosbenni ac offer cegin
- Botymau a chaeadau poteli
- Cratiau a basgedi
- Deunyddiau naturiol
- Eitemau byd bach
Gofynnwch i deuluoedd edrych o amgylch eu cartrefi am eitemau diogel nad oes eu hangen arnynt mwyach, y gellid rhoi bywyd newydd iddynt drwy chwarae.
Gwnewch y cyfan yn hwyl!
Crëwch Her Casglu Rhannau Rhydd.
A all eich clwb gasglu:
50 o diwbiau cardbord?
20 darn o ddefnydd?
100 o gaeadau poteli?
Digon o flychau i adeiladu cuddfan anferth?
Gadewch i’r plant helpu i gyfrif y rhoddion a chofnodi’r cynnydd ar siart arddangos.
Drwy ailddefnyddio deunyddiau a dod o hyd i ddefnydd newydd iddynt, mae plant yn dysgu y gall gwrthrychau bob dydd gael ail fywyd. Gall camau bach wneud gwahaniaeth mawr i leihau gwastraff.
Mae ehangu’r casgliad o adnoddau drwy roddion gan y gymuned yn enghraifft wych o wneud y gorau o’r adnoddau sydd ar gael wrth gryfhau perthnasoedd â theuluoedd. Mae hefyd yn sicrhau bod plant yn chwarae rhan weithredol wrth lunio eu hamgylchedd chwarae.