Mudiad: Chwarae Cymru

Lleoliad: gweithio o gartref yn bennaf, gyda’r angen am rywfaint o weithio yn y swyddfa a theithio trwy Gymru

Oriau: 22.5 i 37 awr yr wythnos (i’w gytuno gyda’r ymgeisydd llwyddiannus)

Cyflog amser llawn: £24,241 i £38,220 (yn ddibynnol ar yr oriau a gytunwyd) NJC 27-30

Dyddiad cau: 9:00am 14 Medi 2026

Dyddiad cyfweliad: 22 Medi 2026 (bydd y cyfweliad yn cynnwys tasg i asesu addasrwydd ymgeiswyr ar gyfer y rôl)

Dyddiad cychwyn: 30 Tachwedd 2026

Mae Chwarae Cymru yn recriwtio Swyddog Polisi rhan-amser parhaol i ymuno â’i tîm bychan.

Bydd y Swyddog Polisi’n cefnogi datblygiad a throsglwyddiad gwaith polisi a strategol Chwarae Cymru ar draws cylch gorchwyl cyflawn y mudiad. Gan weithio fel rhan o dîm cenedlaethol bychan, bydd y rôl yn cynnwys ymgysylltu gyda phartneriaid, cyfrannu at brosiectau a rhaglenni, a chefnogi’r sefydliad i ymateb yn effeithlon i ddatblygiadau mewn polisi ac ymarfer ar draws Cymru.

Mae gwybodaeth am a dealltwriaeth o bolisi ac ymarfer sy’n berthnasol i blant, chwarae, gwaith chwarae neu sectorau perthynol yng Nghymru, ynghyd â phrofiad o weithio mewn rôl polisi, datblygu, ymchwil neu rôl debyg yn y sectorau gwirfoddol, cyhoeddus neu sector perthynol arall yn hanfodol ar gyfer y rôl hon.

Mae Chwarae Cymru’n croesawu ceisiadau gan bawb waeth beth fo’u hil, oedran, lliw, tarddiad ethnig neu genedlaethol, statws priodasol, rhyw, hunaniaeth rhywedd neu fynegiant rhywedd, cyfeiriadedd rhywiol, anabledd, crefydd neu gredoau.

Pecyn Swydd

Ffurflen Gais

Ffurflen Monitro Cyfle Cyfartal

Ymwadiad
Mae Clybiau Plant Cymru Kids’ Clubs yn hysbysebu swyddi gwag ar ran Aelodau. Dylai darpar ymgeiswyr ddefnyddio’r manylion cyswllt a restrir yn yr hysbyseb i gael rhagor o wybodaeth, a dylent ddelio’n uniongyrchol â’r person sy’n gosod yr hysbyseb, ac nid â Clybiau Plant Cymru Kids’ Clubs. 

Nid yw Clybiau Plant Cymru Kids’ Clubs yn derbyn cyfrifoldeb am ansawdd na chynnwys yr hysbyseb, nac am arferion cyflogi’r Aelod sy’n gosod yr hysbyseb. Nid yw Clybiau Plant Cymru Kids’ Clubs yn cyflogi staff ar ran unrhyw sefydliad arall.