Mae’r Rhaglen Hyfforddiant a Chefnogaeth yn ceisio mynd i’r afael â’r rhaglen recriwtio a chadw ar gyfer y sector Gwaith Chwarae. Gyda dros 500 o gyfranogwyr eisoes wedi cofrestru ar gyrsiau gyda Clybiau Plant Cymru Kids’ Clubs drwy’r rhaglen hon, rydym yn gweithio’n galed i ddod â phobl newydd i’r sector a chymhwyso staff sydd eisoes yn y sector.  Drwy gydol y flwyddyn ariannol 2025-26 rydym yn parhau i gynnig cyfleoedd helaeth ar gyfer hyfforddiant Gwaith Chwarae wedi’i ariannu’n llawn. 

Os oes gennych ddiddordeb mewn dechrau gyrfa mewn Gwaith Chwarae, gwirfoddoli yn y sector, neu os ydych ddim ond yn dechrau arni; mae’r Dyfarniad Lefel 2 mewn Arferion Gwaith Chwarae yn gyflwyniad perffaith. 

Mae’r Dyfarniad Lefel 2 mewn Arferion Gwaith Chwarae yn cymhwyso staff i weithio mewn Cynlluniau Chwarae Gwyliau. 

Ydych chi eisoes â Lefel 2 neu uwch mewn Gofal Plant, Ysgol Goedwig, Gwaith Ieuenctid neu fel Cynorthwyydd Addysgu? Unwaith y byddwch wedi cwblhau’r Dyfarniad Lefel 2 mewn Arferion Gwaith Chwarae, byddwch wedi’ch cymhwyso ar Lefel 2 i weithio mewn unrhyw leoliad yn y Sector Gwaith Chwarae. 

I’r rhai sydd eisoes â Lefel 3 mewn Gofal Plant, Ysgol Goedwig, Gwaith Ieuenctid neu fel Cynorthwyydd Addysgu, mae’r Dyfarniad Lefel 3 mewn Pontio i Waith Chwarae yn eich galluogi i gymhwyso mewn Gwaith Chwarae mewn cyn lleied â 3 mis.