Bu cynnydd pellach wedi bod tuag at ehangu gofal plant a ariennir yng Nghymru. Mae pob un o’r 22 awdurdod lleol bellach ar y trywydd iawn i gynnig 12.5 awr yr wythnos o ofal plant a ariennir gan Lywodraeth Cymru i bob plentyn dwy oed erbyn diwedd mis Mawrth 2027.  

Mae cam presennol yr ehangiad yn canolbwyntio ar sicrhau bod 12.5 awr o ofal plant a ariennir ar gael i bob plentyn dwy oed cymwys, gyda chamau pellach wedi’u cynllunio i gynyddu’r cymorth ac ymestyn y cynnig i blant iau.  

I ddarparwyr gofal plant, gallai’r ehangiad olygu y bydd mwy o deuluoedd yn chwilio am leoedd gofal plant a ariennir, gan gynnwys yn ystod gwyliau ysgol. Felly, mae’n werth cadw llygad ar ddatblygiadau yn eich awdurdod lleol.

Darllenwch y diweddariad mwyaf diweddar gan Lywodraeth Cymru: Cymru’n symud yn nes at gynnig gofal i bob plentyn: pob awdurdod lleol ar y trywydd iawn i gwblhau cam cyntaf yr ehangu | LLYW.CYMRU