Cynhelir Diwrnod Rhyngwladol Ymwybyddiaeth o Atalnydd ar 22 Hydref.  

Mae’r diwrnod hwn yn codi ymwybyddiaeth o atalnydd ac yn annog gwell dealltwriaeth a derbyniad o bobl sy’n atal dweud.  

I weithwyr proffesiynol Gofal Plant All-Ysgol, mae’n atgof defnyddiol bod plant yn cyfathrebu mewn gwahanol ffyrdd ac ar gyflymderau gwahanol. Mae clwb cynhwysol yn rhoi’r amser, y gofod a’r hyder i bob plentyn fynegi ei hun heb ofni cael ei frysio, ei dorri ar draws na’i farnu.  

Dyma rai ffyrdd syml o gefnogi plant sy’n atal dweud:  

• Rhowch amser i blant orffen yr hyn y maent am ei ddweud. 

• Gwrandewch ar y neges yn hytrach na chanolbwyntio ar y ffordd y mae’n cael ei chyfleu. 

• Peidiwch â gorffen brawddegau na dyfalu geiriau ar eu rhan. 

• Sicrhewch fod plant yn cael cyfleoedd i gyfrannu at drafodaethau grŵp. 

• Heriwch bryfocio a helpwch blant i ddeall bod pawb yn cyfathrebu’n wahanol.

Cofiwch: dylai plant deimlo eu bod yn gallu cymryd rhan heb bwysau i siarad yn rhugl nac yn gyflym. Mae’r un egwyddor yn berthnasol i blant sy’n defnyddio’r Gymraeg neu’r Saesneg fel iaith ychwanegol, cyfathrebu amgen ac ategol (AAC), iaith arwyddion neu ddulliau cyfathrebu eraill.  

Gall ychydig o amynedd a dealltwriaeth helpu pob plentyn i deimlo ei fod yn cael ei wrando arno a’i gynnwys.