Yn 2025, bydd Wythnos Genedlaethol Prentisiaethau yn dathlu ei 18fed blwyddyn, wedi’i dechrau’n wreiddiol yn 2007. Bydd y dathliad blynyddol, sy’n para wythnos, yn dathlu prentisiaid, cyflogwyr, darparwyr hyfforddiant, rhieni, ysgolion, colegau, prifysgolion, Sefydliadau Asesiad Man Gorffen (EPAOs), llysgenhadon a rhaglenni sgiliau cysylltiedig; gyda phob un yn cyfrannu at lwyddiant prentisiaethau a sgiliau ledled y wlad. Gyda’n gilydd, gallwn hyrwyddo manteision prentisiaethau a rhaglenni sgiliau cysylltiedig, ac arddangos cyfleoedd datblygu, safonau galwedigaethol newydd cyffrous, a llawer mwy.

Thema’r Wythnos Genedlaethol Prentisiaethau 2025 yw Sgiliau ar gyfer Bywyd!

Mae Wythnos Genedlaethol Prentisiaethau 2025 yn annog pawb i ystyried a dathlu sut mae prentisiaethau a sgiliau’n helpu unigolion i ddatblygu gyrfaoedd llwyddiannus a gwobrwyol, ac yn cefnogi cyflogwyr i ddatblygu gweithlu gyda sgiliau parod ar gyfer y dyfodol. Gyda’n gilydd, byddwn yn ysbrydoli’r genedl gyda straeon difyr am ddilyniant prentisiaid a dysgwyr – yn rhannu eu hyder cynyddol, sgiliau, gwybodaeth a sut mae’r rhaglenni hyn wedi rhoi hwb i yrfaoedd anhygoel. Rydym eisiau  cyflogwyr barhau i dynnu sylw at fanteision busnes a’r enillion ar fuddsoddiadau wrth gyflogi prentisiaid a dysgwyr eraill, a mynd ati i ddangos sut maen nhw’n defnyddio prentisiaethau a rhaglenni sgiliau i lenwi bylchau sgiliau. Rydym hefyd eisiau i brentisiaid a myfyrwyr Lefel T ddweud wrth bawb am eu llwyddiant a’u straeon sy’n ysbrydoli, am y sgiliau y maent wedi’u datblygu, y cyfleoedd y maent wedi’u cymryd, a’r daith gyrfa y maent wedi’u llwybro.

Ewch i’r wefan Wythnos Genedlaethol Prentisiaethau i gael rhagor o wybodaeth. https://naw.appawards.co.uk/

Os oes gennych ddiddordeb mewn cwblhau prentisiaeth gyda ni, llenwch y ffurflen Mynegi Diddordeb yma.

Pob Hyfforddiant a Digwyddiad – Clybiau Plant Cymru (CY)