Mae’n bleser mawr gennym rannu â chi rai cyfleoedd am ariannu. Peidiwch ag anghofio y gallwn eich cefnogi i gwblhau ceisiadau, felly cofiwch gysylltu os oes arnoch angen ein help!

CYMell

Trwy ein prosiect, CYMell, ein nod yw cefnogi leoliadau Gofal Plant All-ysgol cyfrwng-Cymraeg a dwyieithog anghofrestredig i ddod yn gofrestredig ag AGC fel y gallant gefnogi’r iaith Gymraeg. Bydd modd iddynt hefyd gynnig gofal plant mwy fforddiadwy er mwyn galluogi rhieni a gofalwyr i ddychwelyd i’w gwaith neu hyfforddiant, drwy alluogi lleoliadau i gyflenwi’r Cynnig Gofal Plant a  Gofal Plant Di-dreth.

Mae amrediad o hyfforddiant Gwaith Chwarae ar gael gennym, ynghyd ag ariannu â grant a bwrsariaethau i gefnogi lleoliadau sy’n gweithio tuag at gofrestru ag AGC, gan eu galluogi i dalu costau staff sy’n mynychu hyfforddiant a’r oriau y mae’n ei gymryd i weithio tuag at gyflwyno cais i gofrestru a sicrhau cynaliadwyedd y lleoliad. Bydd ein Swyddogion Datblygu Busnesau Gofal Plant ymroddedig wrth law drwy gydol y broses, er mwyn cefnogi lleoliadau bob cam o’r ffordd.

Cysylltwch â’ch Swyddog Datblygu Busnesau Gofal Plant am wybodaeth bellach.

__________________

Cefnogi elusennau bach drwy arian cyfatebol

Rhwng 23 i 30 Mehefin 2025, bydd yr ymgyrch Small Charity Week Match Funding yn helpu elusennau bach i gynnal eu gwaith hanfodol ledled y DU drwy ddarparu cymorth ariannol hanfodol.Drwy’r ymgyrch hon, bydd rhoddion a  gyflwynir gan elusennau sy’n cymryd rhan drwy’r Big Give (sef, y platfform arian cyfatebol mwyaf yn y DU) yn cael i’w ddyblu, gyda diolch i haelioni Global’s Make Some Noise a Hyrwyddwyr cyllidwyr, gan gynnwys chwaraewyr y Loteri Cod Post y Bobl.

Mae hyn yn golygu y bydd pob punt a roddir yn cael dwywaith yr effaith o ran cefnogi gwaith hanfodol elusennau bach.

Bydd ceisiadau ar agor: Dydd Mercher 19 Chwefror

Dyddiad cau: Dydd Mercher 2 Ebrill

Bydd rhaid cyhoeddi cynigion cyllid erbyn dydd Mercher 7 Mai

Rhaid i elusennau cymwys gael incwm blynyddol o rhwng £5,000 ac £1 miliwn.

Gwnewch gais erbyn dydd Mercher 2 Ebrill, 2025 yma:

https://biggive.org/small-charity-week/