Mae’n bleser o’r mwyaf gennym rannu â chi rai cyfleoedd am ariannu. Peidiwch ag anghofio y gallwn eich cefnogi i gwblhau ceisiadau, felly cofiwch gysylltu os bydd arnoch angen ein help!

Grant i newid yr iaith weithredu i’r Gymraeg 

Ydych chi’n Glwb Gofal Plant All-Ysgol sydd wedi’i gofrestru ag Arolygiaeth Gofal Cymru fel un sy’n darparu gofal yn ddwyieithog? Ydych chi am newid eich iaith gyflenwi i’r Gymraeg?

Mae’n bleser gennym gyhoeddi cynllun grant i gefnogi lleoliadau i newid eu hiaith weithredol i’r Gymraeg.

Gall y grant dalu costau megis gweinyddu newid manylion cofrestru ag AGC, cyfieithu polisïau, arwyddion a marchnata ynghyd â chefnogi cynaliadwyedd wrth i chi farchnata eich darpariaeth cyfrwng-Cymraeg.

Os ydych â diddordeb mewn symud o fod yn ddarpariaeth ddwyieithog i fod yn un  Gymraeg, cysylltwch â’ch swyddfa ranbarthol:

https://clybiauplantcymru.org/cy/cysylltwch-a-ni/