Darganfyddiadau gwahanol, un byd natur anhygoel!

Ewch â’r plant y tu allan am helfa natur sy’n dathlu amrywiaeth ac yn archwilio sut y mae gwahaniaethau yn gwneud ein byd yn ddiddorol.

Mae natur yn llawn amrywiaeth – siapiau gwahanol, lliwiau, gweadeddau a meintiau. Mae’r gweithgaredd hwn yn annog plant i archwilio eu hamgylchedd, gweithio gyda’i gilydd a gwerthfawrogi gwahaniaethau.  

Beth y byddwch ei angen 

• Basged neu fag casglu ar gyfer pob grŵp (yn opsiynol) 

• Rhestr wirio ar gyfer helfa natur neu bapur a phensiliau 

• Man yn yr awyr agored, megis gardd, maes chwarae neu fan gwyrdd lleol

Y Her o’ch blaen  

Gan weithio mewn parau neu grwpiau bach, rhowch wahoddiad i blant ddarganfod neu weld: 

• Rhywbeth sy’n fwy na’u llaw 

• Rhywbeth llai na’u hewinedd 

• Dwy ddeilen sy’n edrych yn wahanol 

• Rhywbeth arw a rhywbeth esmwyth 

• Rhywbeth sy’n un liw a rhywbeth gyda llawer o liwiau 

• Tystiolaeth o anifail neu pryf 

• Rhywbeth sy’n gwneud sŵn diddorol 

• Rhywbeth nad ydynt wedi sylwi arno o’r blaen

Bwysig: Anogwch y plant i arsylwi, yn hytrach na phigo. Gadewch blanhigion byw, ffwng, a bywyd gwyllt lle y maent.

Dewch â phawb at ei gilydd 

Unwaith mae’r helfa drosodd, dewch â’r plant at ei gilydd a rhannwch beth y maent wedi’i ddarganfod. 

Gofynnwch:  

• A ddaeth pawb o hyd i’r un pethau yn union? 

• Pa wahaniaethau wnaethoch sylwi arnynt? 

• Beth fyddai’n digwydd pe byddai pob dim ym myd natur yn edrych yr un fath? 

• Sut wnaethoch chi helpu’ch gilydd yn ystod yr helfa?

Gwnewch y gweithgaredd yn cynhwysol  

Addaswch yr her ar gyfer dant pawb yn eich clwb. Gall plant weithio’n annibynnol, mewn parau, neu gydag oedolyn. Gallent bwyntio, tynnu lluniau, llunio neu ddisgrifio eu darganfyddiadau yn hytrach nag ysgrifennu.   

Cynigiwch opsiwn arsylwi eistedd neu lwybr llai ar gyfer plant sydd ei angen a gwnewch yn siŵr bod pawb yn gallu cyfrannu yn eu ffordd eu hunain.  

Y neges: Megis natur, mae ein clwb wedi’i wneud allan o gymysgedd o gryfderau, diddordebau a phrofiadau gwahanol. Mae gan bawb rywbeth gwerthfawr i’w gyfrannu.